ലഖ്‌നോ: കോണ്‍ഗ്രസ് നേതാവ് പ്രിയങ്കാ ഗാന്ധിക്കെതിരേ വിവാദ പരാമര്‍ശവുമായി യുപി ബിജെപി നേതാവ്. മീറത്തില്‍ നിന്നുള്ള ബിജെപി നേതാവ് ജയാകരന്‍ ഗുപ്തയാണ് പ്രിയങ്കക്കെതിരേ സ്‌കേര്‍ട്ട് ധരിച്ചു നടക്കുന്നയാള്‍ എന്നര്‍ഥം വരുന്ന പരാമര്‍ശം (സ്‌കേര്‍ട്ട് വാലി ബായ്) നടത്തിയത്. ഒരു കോണ്‍ഗ്രസ് നേതാവ് അച്ഛാദിന്‍ എവിടേയെന്ന് ചോദിച്ചെന്നും സ്‌കേര്‍ട്ട് ധരിച്ചു നടക്കുന്നയാള്‍ ക്ഷേത്രങ്ങളില്‍ സാരിധരിച്ച് കയറിയാല്‍ അവര്‍ എങ്ങനെ അച്ഛാദിന്‍ കാണുമെന്നുമായിരുന്നു ബിജെപി നേതാവിന്റെ പരാമര്‍ശം. പ്രിയങ്കാഗാന്ധി ഡല്‍ഹിയില്‍ ജീന്‍സ് ധരിക്കുമ്പോള്‍ ഗ്രാമങ്ങളിലെത്തുമ്പോള്‍ സാരിയും സിന്ദൂരവും ധരിക്കുകയാണെന്ന് യുപിയില്‍ നിന്നുള്ള ബിജെപി മറ്റൊരു ബിജെപി നേതാവ് ഹരീഷ് ദ്വിവേദി അടുത്തിടെ പറഞ്ഞിരുന്നു.