ഹൈദരാബാദ്: പേരു ചോദിക്കുകയും മുസ്‌ലിമാണെന്നു തിരിച്ചറിഞ്ഞതോടെ ക്രൂരമര്‍ദനിത്തിരയാക്കുകയും ചെയ്തതായി മുസ്‌ലിം യുവാവ്. ചൊവ്വാഴ്ച രാത്രി 12 മണിയോടെ ഹൈദരാബാദിലെ ഗൗലിഗുജ കാമന്‍ പ്രദേശത്താണു സംഭവം.
മംഗള്‍ഹട്ടില്‍ നിന്നും ചരക്കു വാഹനവുമായി വരികയായിരുന്ന കിഷന്‍ബാഗ് സ്വദേശി നവാസ് എന്ന യുവാവാണ് മര്‍ദനത്തിനിരയായത്. മൂന്നു പേരാണ് തന്നെ മര്‍ദിച്ചതെന്നു നവാസ് വെളിപ്പെടുത്തി.
നവാസിനു സമീപത്തെത്തിയ അക്രമികള്‍ ആദ്യം പേരു ചോദിച്ചു. നവാസ് എന്നു മറുപടി നല്‍കിയതോടെ, ഇവനൊരു മുസ്‌ലിമാണെന്നു വിളിച്ചു പറഞ്ഞ അക്രമികള്‍ ക്രൂരമായി മര്‍ദിക്കുകയായിരുന്നുവെന്നു നവാസ് പറഞ്ഞു. തന്റെ വാഹനവും അക്രമികള്‍ തകര്‍ത്തു. ഓടി രക്ഷപ്പെടാന്‍ ശ്രമിച്ചപ്പോള്‍ പിന്‍തുടര്‍ന്നു ആക്രമിച്ചു. സംഭവം കണ്ടുനിന്ന പ്രദേശവാസികള്‍ ആരും ഇടപെട്ടില്ലെന്നും നവാസ് പറഞ്ഞു. പിന്നീട് സ്ഥലത്തെത്തിയ പോലിസാണ് യുവാവിനെ ആശുപത്രിയില്‍ പ്രവേശിപ്പിച്ചത്.