ചില തീരുമാനങ്ങള്‍ അന്യായമായി തോന്നുമെങ്കിലും രാഷ്ട്ര നിര്‍മാണത്തിന് അത് ആവശ്യം: പ്രധാനമന്ത്രി
'നിരവധി തീരുമാനങ്ങള്‍ ഇപ്പോള്‍ അന്യായമായി തോന്നുന്നു. കാലക്രമേണ, ഈ തീരുമാനങ്ങള്‍ രാഷ്ട്രം കെട്ടിപ്പടുക്കുന്നതിന് സഹായിക്കും' -അഗ്‌നിപഥ് പദ്ധതിയെ നേരിട്ട് പരാമര്‍ശിക്കാതെ പ്രധാനമന്ത്രി പറഞ്ഞു.
ന്യൂഡല്‍ഹി: അഗ്‌നിപഥ് പദ്ധതിക്കെതിരേ രാജ്യത്തുടനീളം പ്രതിഷേധങ്ങള്‍ വ്യപിക്കുമ്പോള്‍ പരോക്ഷ പ്രതികരണവുമായി പ്രധാനമന്ത്രി നരേന്ദ്ര മോദി. പല തീരുമാനങ്ങളും ആദ്യം അന്യായമായി തോന്നിയേക്കാം, എന്നാല്‍ അത് പിന്നീട് രാഷ്ട്രം കെട്ടിപ്പടുക്കുന്നതിനെ സഹായിക്കുമെന്ന് അദ്ദേഹം പറഞ്ഞു. ബെംഗളൂരുവില്‍ ഒരു പരിപാടിയില്‍ സംസാരിക്കുകയായിരുന്നു പ്രധാനമന്ത്രി.
'നിരവധി തീരുമാനങ്ങള്‍ ഇപ്പോള്‍ അന്യായമായി തോന്നുന്നു. കാലക്രമേണ, ഈ തീരുമാനങ്ങള്‍ രാഷ്ട്രം കെട്ടിപ്പടുക്കുന്നതിന് സഹായിക്കും' -അഗ്‌നിപഥ് പദ്ധതിയെ നേരിട്ട് പരാമര്‍ശിക്കാതെ പ്രധാനമന്ത്രി പറഞ്ഞു.