യുപി: ബലാല്‍സംഗത്തിനിരയായ 16കാരി ആത്മഹത്യ ചെയ്തു

ബാന്ദ്ര: ഉത്തര്‍പ്രദേശിലെ ചിത്രക്കൂട്ട് ജില്ലയില്‍ ബലാല്‍സംഗത്തിനിരയായ 16 കാരി ആത്മഹത്യ ചെയ്തു. ഫാനില്‍ തൂങ്ങി ആത്മഹത്യ ചെയ്ത നിലയിലാണ് പെണ്‍കുട്ടിയുടെ മൃതദേഹം കാണപ്പെട്ടത്. ഒരുമാസം മുമ്പാണ് പെണ്‍കുട്ടി പീഡനത്തിനിരയായത്. പീഡനത്തെ തുടര്‍ന്ന്ു പെണ്‍കുട്ടിയും കുടുംബവും പോലിസില്‍ പരാതിപ്പെട്ടിരുന്നു. തുടര്‍ന്ന് കേസ് പിന്‍വലിക്കണമെന്നാവശ്യപ്പെട്ടു പ്രതിയും വീട്ടുകാരും നിരന്തരം ഭീഷണിപ്പെടുത്തിയിരുന്നതായി പെണ്‍കുട്ടിയുടെ കുടുംബം ആരോപിച്ചിരുന്നു. ഇതിനിടെയാണ് പെണ്‍കുട്ടി ആത്മഹത്യ ചെയ്തത്.