മധ്യവയസ്‌കയെ വീടിനകത്ത് തീപ്പൊള്ളലേറ്റ് മരിച്ച നിലയിൽ കണ്ടെത്തി

പാലക്കാട്: ആനക്കര കൂടല്ലൂരിൽ മധ്യവയസ്‌കയെ വീടിനകത്ത് തീപ്പൊള്ളലേറ്റ് മരിച്ച നിലയിൽ കണ്ടെത്തി. ചീരാത്ത് ചോലയിൽ കമലാക്ഷിയെ (50) ആണ് ഇന്ന് ഉച്ചയോടെ വീട്ടിനകത്ത് തീ കൊളുത്തി മരിച്ച നിലയിൽ കണ്ടെത്തിയത്.

വീട്ടിനുള്ളിൽ പുക ഉയരുന്നത് കണ്ടാണ് സംഭവം അയൽവാസികളുടെ ശ്രദ്ധയിൽപ്പെടുന്നത്. ചെന്നപ്പോൾ കത്തിക്കരിഞ്ഞ നിലയിൽ മീനാക്ഷിയുടെ മൃതദേഹം കണ്ടെത്തുകയായിരുന്നു. തൃത്താല പോലിസ് സ്ഥലത്തെത്തി നടപടികൾ സ്വീകരിച്ചു.

ഭർത്താവോ മക്കളോ ഇല്ലാത്ത മീനാക്ഷി തന്നെയാണ് താമസിക്കുന്നത്. തൊഴിൽ ഉറപ്പ് പദ്ധതിയിലൂടെ ലഭിക്കുന്ന തുക കൊണ്ടാണ് ജീവിച്ചിരുന്നത്. ആത്മഹത്യ ആണെന്നാണ് പോലിസിന്റെ പ്രാഥമിക നിഗമനം.