നടിയെ തട്ടിക്കൊണ്ടുപോയി ആക്രമിച്ച കേസ്: സാക്ഷികളെ വീണ്ടും വിസ്തരിക്കാന്‍ മതിയായ കാരണം വേണമെന്ന് ഹൈക്കോടതി
ബാലചന്ദ്രകുമാറിന്റെ വെളിപ്പെടുത്തലും കേസും തമ്മിലെന്താണ് ബന്ധമെന്ന് കോടതി ചോദിച്ചു.കേസിനെ ഏതു രീതിയിലാണ് ഇത് ബാധകമാകുന്നതെന്നും കോടതി ചോദിച്ചു
കൊച്ചി: നടിയെ തട്ടിക്കൊണ്ടുപോയി അപകീര്‍ത്തികരമായ രീതിയില്‍ ദൃശ്യങ്ങള്‍ പകര്‍ത്തിയ കേസില്‍ സാക്ഷികളെ വീണ്ടും വിസ്തരിക്കാന്‍ മതിയായ കാരണം വേണമെന്ന് ഹൈക്കോടതി.കേസിലെ സാക്ഷികളെ വീണ്ടും വിസ്തരിക്കമെന്ന പ്രോസിക്യൂഷന്റെ അപേക്ഷ പരിഗണിക്കവെയാണ് ഹൈക്കോടതിയുടെ പരമാര്‍ശം.സാക്ഷികളുടെ വിസ്താരം നേരത്തെ പൂര്‍ത്തിയായതല്ലേയെന്നും കോടതി ചോദിച്ചു.
സംവിധായകന്‍ ബാലചന്ദ്രകുമാറിന്റെ വെളിപ്പെടുത്തലിന്റെ അടിസ്ഥാനത്തിലാണ് ഇത്തരമൊരു ആവശ്യം ഉന്നയിച്ചതെന്ന് പ്രോസിക്യൂഷന്‍ കോടതിയെ ബോധിപ്പിച്ചു.ബാലചന്ദ്രകുമാറിന്റെ വെളിപ്പെടുത്തലും കേസും തമ്മിലെന്താണ് ബന്ധമെന്ന് കോടതി ചോദിച്ചു.കേസിനെ ഏതു രീതിയിലാണ് ഇത് ബാധകമാകുന്നതെന്നും കോടതി ചോദിച്ചു.