സ്ത്രീയെ കഴുത്തില്‍ കുരുക്കിട്ട് കൊലപ്പെടുത്താന്‍ ശ്രമിച്ച യുവാവ് അറസ്റ്റില്‍
സ്‌കൂട്ടര്‍ മോഷണം പോയത് സംബന്ധിച്ച് പോലിസ് സ്‌റ്റേഷനില്‍ പരാതി നല്‍കി മടങ്ങിവരവെ ആക്രമിക്കുകയായിരുന്നുവെന്നാണ് പരാതി.
തിരുവനന്തപുരം: സ്ത്രീയെ മര്‍ദിച്ച് അവശയാക്കിയശേഷം കഴുത്തില്‍ കുരുക്കിട്ട് കൊലപ്പെടുത്താന്‍ ശ്രമിച്ച കേസില്‍ യുവാവ് അറസ്റ്റില്‍. ബാലരാമപുരം ആര്‍സി തെരുവ് തൊളിയറത്തല വീട്ടില്‍ ബൈജുവാണ് അറസ്റ്റിലായത്. തിങ്കളാഴ്ച രാത്രിയോടെയാണ് സംഭവം. ഭര്‍ത്താവുമായി പിണങ്ങിക്കഴിയുകയായിരുന്ന ആര്‍സി സ്ട്രീറ്റ് വായനശാലയ്ക്ക് സമീപം അജി(34)യെയാണ് കൊലപ്പെടുത്താന്‍ ശ്രമിച്ചത്.
അജി ബൈജുവിനൊപ്പമായിരുന്നു താമസമെന്ന് പോലിസ് പറഞ്ഞു. മദ്യപാനവും ശല്യവും കാരണം അജി താന്നിവിളയിലേക്ക് മാറി താമസിക്കുകയായിരുന്നു. ഒരു പഴക്കടയില്‍ ജോലി ചെയ്യവേ സ്‌കൂട്ടര്‍ മോഷണം പോയത് സംബന്ധിച്ച് പോലിസ് സ്‌റ്റേഷനില്‍ പരാതി നല്‍കി മടങ്ങിവരവെ ആക്രമിക്കുകയായിരുന്നുവെന്നാണ് പരാതി.