പെരിന്തല്‍മണ്ണയില്‍ കിടക്ക നിര്‍മാണ യൂനിറ്റില്‍ തീ; ഷോറും പൂര്‍ണ്ണമായും കത്തിനശിച്ചു: വീഡിയോ കാണാം
പെരിന്തല്‍മണ്ണ: തിരൂര്‍ക്കാട് മലപ്പുറം റോഡിലെ കിടക്ക നിര്‍മാണ യൂനിറ്റില്‍ തീ പടര്‍ന്നു. ഷോറും പുര്‍ണ്ണമായും കത്തിനശിച്ചു. കോഴിക്കോട് സ്വദേശി അബ്ദുല്‍ അസീസിന്റെ ഉടമസ്ഥതയിലുള്ള എം ആര്‍ ഫോം എന്ന കിടക്ക നിര്‍മാണ യൂനിറ്റാണ് തീ പടര്‍ന്ന് കത്തിനശിച്ചത്. ഇന്ന് വൈക്കീട് 4 മണിയോടെയാണ് സംഭവം. തീ പടര്‍ന്നതിന്റെ കാരണം വ്യക്തമല്ല. സംഭവ സമയം നാല് ജീവനക്കാര്‍ യൂനിറ്റിലുണ്ടായിരുന്നു. ആര്‍ക്കും പരിക്കില്ല. പെരിന്തല്‍മണ്ണ , മലപ്പുറം, മഞ്ചേരി സ്‌റ്റേഷനുകളില്‍ നിന്നായി ആറ് ഫയര്‍ഫോഴ്‌സ് വാഹനങ്ങളാണ് തീ അണച്ചു കൊണ്ടിരിക്കുന്നത്. നഷ്ടം കണക്കാക്കിയിട്ടില്ല.