മോഷ്ടിച്ച ബൈക്കില്‍ കറങ്ങിനടന്ന രണ്ടു പേര്‍ പോലിസ് പിടിയില്‍
പോഞ്ഞാശേരി പതിശാലില്‍ വീട്ടില്‍ ബിനു വര്‍ഗീസ് (24), പ്രായപൂര്‍ത്തിയാകാത്ത ഒരാള്‍ എന്നിവരെയാണ് തടിയിട്ടപറമ്പ് പോലിസ് പിടികൂടിയത്. കഴിഞ്ഞയാഴ്ചയാണ് അസൈനാര്‍ എന്നയാളുടെ ബൈക്ക് മോഷണം പോയത്
കൊച്ചി: മോഷ്ടിച്ച ബൈക്കില്‍ കറങ്ങിനടന്ന രണ്ടു പേര്‍ പോലിസ് പിടിയില്‍. പോഞ്ഞാശേരി പതിശാലില്‍ വീട്ടില്‍ ബിനു വര്‍ഗീസ് (24), പ്രായപൂര്‍ത്തിയാകാത്ത ഒരാള്‍ എന്നിവരെയാണ് തടിയിട്ടപറമ്പ് പോലിസ് പിടികൂടിയത്. കഴിഞ്ഞയാഴ്ചയാണ് അസൈനാര്‍ എന്നയാളുടെ ബൈക്ക് മോഷണം പോയത്. തുടര്‍ന്ന് എസ്പി കെ കാര്‍ത്തിക്കിന്റെ നിര്‍ദ്ദേശാനുസരണം പ്രത്യേക ടീം രൂപീകരിച്ച് അന്വേഷണം നടത്തി വരികെയാണ് മോഷ്ടാക്കള്‍ പിടിയിലാകുന്നത്. ഇടുക്കി സ്വദേശികളായ ഇവര്‍ക്ക് ബലൂണ്‍ വില്‍പനയാണ് തൊഴില്‍. പെരുമ്പാവൂര്‍, കോട്ടയം തുടങ്ങിയ സ്റ്റേഷനുകളില്‍ അഞ്ചിലേറെ കേസുകളിലെ പ്രതികളാണിവരെന്നും പോലിസ് പറഞ്ഞു. ഇന്‍സ്‌പെക്ടര്‍ ആര്‍ രജീഷ്, എസ്‌ഐ എന്‍ എസ് റോയി, എഎസ്‌ഐ എന്‍ കെ ജേക്കബ്ബ്, എസ്‌സിപി ഒ ഷമീര്‍ എന്നിവരാണ് അന്വേഷണ സംഘത്തിലുണ്ടായിരുന്നത്.