ചൈത്ര തെരേസ ജോണിനെ വേട്ടയാടുന്നുവെന്ന്; ഹൈക്കോടതിയില്‍ പൊതുതാല്‍പര്യ ഹരജി
ഹൈക്കോടതിയെ സമീപിച്ചിരിക്കുന്നത് എറണാകുളത്തെ പബ്ലിക് ഐ എന്ന സംഘടന.ചൈത്രയ്ക്കെതിരെ നടപടി പാടില്ലെന്നും എഡിജിപിയുടെ അന്വേഷണത്തിന്റെ വിശദാംശങ്ങള്‍ വിളിച്ചുവരുത്തി പരിശോധിക്കണമെന്നും ആവശ്യം
കൊച്ചി: സിപിഎം ജില്ലാ കമ്മിറ്റി ഓഫിസ് റെയ്ഡ് ചെയ്ത വനിതാ ഐപിഎസ് ഉദ്യോഗസ്ഥ ചൈത്ര തെരേസ ജോണിനെ രാഷ്ട്രീയക്കാരും മുഖ്യമന്ത്രിയും വേട്ടയാടുന്നുവെന്നു ചൂണ്ടിക്കാട്ടി ഹൈക്കോടതിയില്‍ പൊതുതാല്‍പര്യ ഹരജി. എറണാകുളത്തെ പബ്ലിക് ഐ എന്ന സംഘടനയാണ് ഹരജിയുമായി കോടതിയെ സമീപിച്ചത്.ഔദ്യോഗിക കൃത്യനിര്‍വഹണത്തിന്റെ ഭാഗമായി പ്രതികളെ പിടികൂടാനെത്തിയ പോലിസ് ഉദ്യോഗസ്ഥ നിയമാനുസരണം പ്രവര്‍ത്തിച്ചിട്ടും അവരെ ഭീഷണിപ്പെടുത്തുന്നതു തടയാന്‍ നടപടി സ്വീകരിക്കണമെന്നും ഹരജയില്‍ ആവശ്യപ്പെട്ടു. ചൈത്രയ്ക്കെതിരെ നടപടി പാടില്ലെന്നും എഡിജിപിയുടെ അന്വേഷണത്തിന്റെ വിശദാംശങ്ങള്‍ വിളിച്ചുവരുത്തി പരിശോധിക്കണമെന്നും ഹരജിയില്‍ ആവശ്യപ്പെിട്ടിട്ടുണ്ട്