കൊവിഡ് പ്രതിരോധം: ദുബായ്-കൊച്ചി വിമാനത്തിലെത്തിയ കോഴിക്കോട് സ്വദേശിയെ ആശുപത്രിയില്‍ പ്രവേശിപ്പിച്ചു
മൂവാറ്റുപുഴ ജനറല്‍ ആശുപത്രിയിലാണ് പ്രവേശിപ്പിച്ചിരിക്കുന്നത്.ഇന്നലെ നെടുമ്പാശേരി വിമാനത്താവളത്തിലെത്തിയ ദുബായ് - കൊച്ചി വിമാനത്തില്‍ 182 യാത്രക്കാരാണുണ്ടായിരുന്നത്
കൊച്ചി: കൊവിഡിന്റെ പശ്ചാത്തലത്തില്‍ വിദേശരാജ്യങ്ങളില്‍ നിന്നുള്ള പ്രവാസികളായ ഇന്ത്യക്കാരെ തിരികെ എത്തിക്കുന്നതിന്റെ ഭാഗമായി ദുബായ്-കൊച്ചി വിമാനത്തിലെത്തിയ കോഴിക്കോട് സ്വദേശിയെ ആശുപത്രിയില്‍ പ്രവേശിപ്പിച്ചു.മൂവാറ്റുപുഴ ജനറല്‍ ആശുപത്രിയിലാണ് പ്രവേശിപ്പിച്ചിരിക്കുന്നത്.ഇന്നലെ നെടുമ്പാശേരി വിമാനത്താവളത്തിലെത്തിയ ദുബായ് - കൊച്ചി വിമാനത്തില്‍ 182 യാത്രക്കാരാണുണ്ടായിരുന്നത്. എറണാകുളം ജില്ലയില്‍ നിന്നുള്ള 31 പേരാണുണ്ടായിരുന്നത്. ഇതില്‍ 19 പേര്‍ പുരുഷന്‍മാരും 12 പേര്‍ സ്ത്രീകളുമാണ്. പത്ത് വയസ്സില്‍ താഴെയുള്ള 6 കുട്ടികളും ഒരുഗര്‍ഭിണിയും ഒരു മുതിര്‍ന്ന പൗരനും ഇതില്‍ ഉള്‍പ്പെടുന്നു.