ദേശീയ പാതയില്‍ കാറുകളുടെ മല്‍സരയോട്ടം; നിയന്ത്രണം വിട്ട് കാറിടിച്ച് ബൈക്ക് യാത്രികന്‍ മരിച്ചു
തൈക്കൂടം ഒ എ റോഡ് ചെമ്പകശേരി ജിമ്മി ചെറിയാന്‍(61) ആണ് മരിച്ചത്. മംഗളം, മനോരമ പത്രങ്ങളില്‍ സര്‍ക്കുലേഷന്‍ വിഭാഗം മുന്‍ ഉദ്യോഗസ്ഥനാണ്. വൈറ്റില ഭാഗത്തു നിന്നു മല്‍സരയോട്ടം നടത്തി വരികയായിരുന്ന രണ്ടു കാറുകളാണ് അപകടമുണ്ടാക്കിയതെന്നു ദൃക്‌സാക്ഷികള്‍ പറഞ്ഞു
കൊച്ചി: ദേശീയപാതയില്‍ തൈക്കൂടം യുടേണിനു സമീപം അമിത വേഗത്തിലെത്തിയ കാറിടിച്ച് ബൈക്ക് യാത്രികന്‍ മരിച്ചു.തൈക്കൂടം ഒ എ റോഡ് ചെമ്പകശേരി ജിമ്മി ചെറിയാന്‍(61) ആണ് മരിച്ചത്. മംഗളം, മനോരമ പത്രങ്ങളില്‍ സര്‍ക്കുലേഷന്‍ വിഭാഗം മുന്‍ ഉദ്യോഗസ്ഥനാണ്. വൈറ്റില ഭാഗത്തു നിന്നു മല്‍സരയോട്ടം നടത്തി വരികയായിരുന്ന രണ്ടു കാറുകളാണ് അപകടമുണ്ടാക്കിയതെന്നു ദൃക്‌സാക്ഷികള്‍ പറഞ്ഞു.
തൈക്കൂടം യു-ടേണ്‍ സ്ഥിരം അപകടമേഖലയാണ്.ആലപ്പുഴ ഭാഗത്തേക്കു പോവുകയായിരുന്ന ചരക്ക് ലോറിയുടെ ഇരുഭാഗത്തു കൂടിയും ഇരുകാറുകളും ഓവര്‍ടേക്കു ചെയ്തു മല്‍സരയോട്ടം നടത്തവേയാണു സ്‌കൂട്ടറില്‍ ഇടിച്ചത്.ബൈക്കില്‍ തട്ടി നിയന്ത്രണം വിട്ടു മറ്റൊരു കാറിലും തട്ടി. ഈ കാര്‍ വട്ടം കറങ്ങി എതിര്‍ ദിശയിലായാണു നിന്നത്.അപകടം കണ്ട് ഓടിക്കൂടിയവരും ദൃക്‌സാക്ഷികളും യുവാക്കളെ വളഞ്ഞുവച്ച ശേഷം വിവരമറിഞ്ഞു പോലീസ് എത്തുകയും ഉടന്‍ ഇവരെ സ്റ്റേഷനിലേക്കു മാറ്റുകയുമായിരുന്നു.