16കാരിയെ പീഡിപ്പിച്ച കേസില്‍ അഞ്ചുപേര്‍ അറസ്റ്റില്‍
പെണ്‍കുട്ടിയുമായി പ്രണയത്തിലായിരുന്ന രമേശാണ് പീഡിപ്പിച്ചതെന്നും കൂട്ടുകാരായ മറ്റു പ്രതികള്‍ ഇയാളുടെ സഹായികളാണെന്നും പോലിസ് പറഞ്ഞു
അരീക്കോട്: പതിനാറുകാരിയെ പീഡിപ്പിച്ച കേസില്‍ പ്രതികളായ അഞ്ചുപേരെ അരീക്കോട് പോലിസ് അറസ്റ്റ് ചെയ്തു. ചെമ്രക്കാട്ടൂര്‍ സ്വദേശികളായ കുരിക്കാട്ടുതൊടിയില്‍ രമേശ്(27), ചെഞ്ചിരിയന്‍ ജോബിഷ് ലാല്‍ 28), മേക്ലമ്പറ്റ ശ്രീകാന്ത്(27), അറക്കല്‍ ഹാരിസ്(23), കരിക്കാടംപൂഴി മുബഷിര്‍(29) എന്നിവരെയാണ് അരീക്കോട് എസ്‌ഐ സി വി ബിബിന്റെ നേതൃത്വത്തിലുള്ള അന്വേഷണ സംഘം പിടികൂടിയത്. പെണ്‍കുട്ടിയുമായി പ്രണയത്തിലായിരുന്ന രമേശാണ് പീഡിപ്പിച്ചതെന്നും കൂട്ടുകാരായ മറ്റു പ്രതികള്‍ ഇയാളുടെ സഹായികളാണെന്നും പോലിസ് പറഞ്ഞു. മഞ്ചേരി പോക്‌സോ കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു.