ദുരന്തബാധിത പ്രദേശങ്ങളിൽ ഈമാസം റേഷൻ സൗജന്യമായി നൽകും

തിരുവനന്തപുരം: സംസ്ഥാന സർക്കാർ ദുരന്തബാധിത പ്രദേശമായി (പ്രളയം, ഉരുൾപൊട്ടൽ തുടങ്ങിയവ) പ്രഖ്യാപിച്ചിട്ടുള്ള പ്രദേശങ്ങളിലെ മുൻഗണന (പിങ്ക്), പൊതുവിഭാഗം സബ്‌സിഡി (നീല), പൊതുവിഭാഗം (വെള്ള) എന്നീ വിഭാഗം റേഷൻ കാർഡുകൾക്ക് ഈമാസത്തെ റേഷൻ വിഹിതം (അരി / ഗോതമ്പ്) സൗജന്യമായിരിക്കുമെന്ന് സിവിൽ സപ്ലൈസ് ഡയറക്ടർ അറിയിച്ചു. 

ദുരിതബാധിത പ്രദേശങ്ങളിലെ മേൽപ്പറഞ്ഞ വിഭാഗത്തിൽപ്പെട്ട ഗുണഭോക്താക്കൾ സപ്തംബറിലെ റേഷൻ വിഹിതം (അരി / ഗോതമ്പ് എന്നിവയ്ക്ക് മാത്രം) കൈപ്പറ്റുമ്പോൾ വില നൽകേണ്ടതില്ല. ഓണം പ്രമാണിച്ച് ഈമാസം എട്ട്, ഒമ്പത്, പത്ത് തിയതികളിൽ റേഷൻകടകൾക്കു പ്രവൃത്തി ദിവസമായിരിക്കും.