തിരുവനന്തപുരം: വാഗ്ദാനം ചെയ്ത ജോലി നല്‍കാത്തതില്‍ പ്രതിഷേധിച്ച്് 2015ല്‍ കേരളത്തില്‍ നടന്ന ദേശീയ ഗെയിംസില്‍ രണ്ടും മൂന്നും സ്ഥാനങ്ങള്‍ നേടിയ താരങ്ങള്‍ മെഡലുകള്‍ തിരിച്ചേല്‍പ്പിക്കുന്നു. പൊതുമേഖലാ സ്ഥാപനങ്ങളില്‍ ജോലി നല്‍കാമെന്ന് കായികമന്ത്രി വാക്ക് നല്‍കിയിരുന്നു. എന്നാല്‍ ജോലി സ്വര്‍ണ്ണം നേടിയ താരങ്ങള്‍ക്ക് മാത്രമാണ് ലഭിച്ചത്.
രണ്ടും മൂന്നും സ്ഥാനം നേടിയ താരങ്ങള്‍ക്ക് ഇതുവരെ ജോലി ലഭിച്ചില്ല. കായികമന്ത്രിയെ മെഡലുകള്‍ തിരിച്ചേല്‍പ്പിക്കാനാണ് താരങ്ങള്‍ തലസ്ഥാനത്തെത്തിയെങ്കിലും മന്ത്രി സ്ഥലത്തില്ലാത്തതിനാല്‍ താരങ്ങള്‍ സെക്രട്ടേറിയേറ്റിനു മുന്നില്‍ കുത്തിയിരിക്കുകയാണ്.