കോമണ്‍ വെല്‍ത്ത് ഗെയിംസിലെ മെഡല്‍ ജേതാവ് അബ്ദുല്ല അബൂബക്കറിന് സ്വീകരണം നല്‍കി
ഇക്കഴിഞ്ഞ കോമണ്‍ വെല്‍ത്ത് ഗെയിംസില്‍ ഇന്ത്യക്ക് വേണ്ടി വെള്ളി മെഡല്‍ നേടി രാജ്യത്തിന്റെ അഭിമാനമായി മാറിയ മലയാളി താരവും കോഴിക്കോട് ജില്ലക്കാരനുമായ അബ്ദുല്ല അബൂബക്കറിനും അദ്ദേഹത്തിന്റെ പരിശീലകന്‍ ഹരികൃഷ്ണനും ബീച്ച് വോളി ക്ലബ് കോഴിക്കോട് ബീച്ചില്‍ സ്വീകരണം നല്‍കി.
കോഴിക്കോട്: ഇക്കഴിഞ്ഞ കോമണ്‍ വെല്‍ത്ത് ഗെയിംസില്‍ ഇന്ത്യക്ക് വേണ്ടി വെള്ളി മെഡല്‍ നേടി രാജ്യത്തിന്റെ അഭിമാനമായി മാറിയ മലയാളി താരവും കോഴിക്കോട് ജില്ലക്കാരനുമായ അബ്ദുല്ല അബൂബക്കറിനും അദ്ദേഹത്തിന്റെ പരിശീലകന്‍ ഹരികൃഷ്ണനും ബീച്ച് വോളി ക്ലബ് കോഴിക്കോട് ബീച്ചില്‍ സ്വീകരണം നല്‍കി.
ബീച്ചില്‍ നടന്ന സ്വീകരണ പരിപാടിയില്‍ കൊയിലാണ്ടി എംഎല്‍എ കാനത്തില്‍ ജമീല മുഖ്യാതിഥിയായി. ജേതാവിനുള്ള ഉപഹാരം അബ്ദുല്ല അബൂബക്കറിന് കാനത്തില്‍ ജമീല സമ്മാനിച്ചു. പരിശീലകന്‍ ഹരികൃഷ്ണന് കോഴിക്കോട് ജില്ലാ സെഷന്‍സ് ജഡ്ജി (ഫാസ്റ്റ് ട്രാക്ക്) പി ഒ രാജേഷും ഉപഹാരം സമര്‍പ്പിച്ചു.
ക്ലബ്ബ് പ്രസിഡന്റ് അഡ്വ. എം കെ ദിനേശന്‍ അധ്യക്ഷത വഹിച്ചു. സെക്രട്ടറി എം കെ നാസര്‍ (കേരള വോളി കോച്ച്), താമരശ്ശേരി ഡിവൈഎസ്പി ടി കെ അശറഫ്, റിയാസ് നെരോത്ത് സംസാരിച്ചു.