പത്തനംതിട്ട: തിരുവല്ല അതിരൂപത മുന്‍ അധ്യക്ഷന്‍ ഗീവര്‍ഗീസ് മാര്‍ തിമോത്തിയോസ്(93) അന്തരിച്ചു. ഇന്ന് പുലര്‍ച്ചെ 3.15നായിരുന്നു അന്ത്യം. ഭൗതികശരീരം ഇന്ന് ഉച്ചവരെ തിരുവല്ല പുഷ്പഗിരി മെഡിക്കല്‍ കോളജ് ആശുപത്രിയിലെ ചാപ്പലിലും തുടര്‍ന്ന് തിരുവല്ല സെന്റ് ജോണ്‍സ് മെത്രാപ്പോലീത്തന്‍ കത്തീഡ്രല്‍ ദൈവാലയത്തിലും പൊതുദര്‍ശനത്തിന് വെക്കും. കബറടക്കം വ്യാഴാഴ്ച തിരുവല്ല സെന്റ് ജോണ്‍സ് മെത്രാപ്പോലീത്തന്‍ കത്തീഡ്രലില്‍ നടക്കും.
തിരുവല്ല അതിരൂപതയുടെ വിവിധ പള്ളികളില്‍ വികാരിയായിരുന്ന ഗീവര്‍ഗീസ് മാര്‍ തിമോത്തിയോസ് 1987 ല്‍ രൂപത അഡ്മിനിസ്‌ട്രേറ്ററും 1988 ആഗസ്ത് എട്ടിന് തിരുവല്ല രൂപതാധിപനുമായി.