പുഴയില്‍ നീന്തുന്നതിനിടെ ഐടിഐ വിദ്യാര്‍ഥി മുങ്ങിമരിച്ചു
കോട്ടയ്ക്കല്‍ പടന്നയില്‍ സുരേന്ദ്രന്റെയും സുശീലയുടെയും മകന്‍ സുജിന്‍ (21) ആണ് മരിച്ചത്.
പയ്യോളി: മൂരാട് പുഴയില്‍ നീന്തുന്നതിനിടയില്‍ വടകര ഐടിഐ വിദ്യാര്‍ഥി മുങ്ങി മരിച്ചു. കോട്ടയ്ക്കല്‍ പടന്നയില്‍ സുരേന്ദ്രന്റെയും സുശീലയുടെയും മകന്‍ സുജിന്‍ (21) ആണ് മരിച്ചത്. സുഹൃത്തുക്കളോടൊപ്പം പുഴയില്‍ നീന്തുന്നതിനിടെ കൈകാലുകള്‍ തളര്‍ന്നുപോവുകയായിരുന്നു.
ഉടന്‍തന്നെ കോട്ടക്കല്‍ കുടുംബാരോഗ്യകേന്ദ്രത്തിലെത്തിച്ചെങ്കിലും മരണം സംഭവിച്ചിരുന്നു. ഇന്ന് ഉച്ചയ്ക്ക് 2 മണിയോടയായിരുന്നു അപകടം. സഹോദരി: സൂര്യ. മൃതദേഹം പോസ്റ്റ്‌മോര്‍ട്ടത്തിനായി വടകര ഗവ: ആശുപത്രി മോര്‍ച്ചറിയില്‍ സൂക്ഷിച്ചിട്ടുണ്ട്.