കൊച്ചി നിലനിര്‍ത്തി കെ ജെ മാക്‌സി
യുഡിഎഫ് സ്ഥാനാര്‍ഥിയായ കോണ്‍ഗ്രസിലെ ടോണി ചമ്മണിയെയാണ് കെ ജെ മാക്‌സി പരാജയപ്പെടുത്തിയത്. 15 റൗണ്ടുകളും പൂര്‍ത്തിയാപ്പോള്‍ 14,108ല്‍പ്പരം വോട്ടുകളുടെ ഭൂരിപക്ഷത്തിലാണ് കെ ജെ മാക്‌സിയുടെ വിജയം
കൊച്ചി: നിയമസഭാ തിരഞ്ഞെടുപ്പില്‍ എറണാകുളം ജില്ലയില്‍ കൊച്ചി നിയോജകമണ്ഡലത്തില്‍ എല്‍ഡിഎഫ് സ്ഥാനാര്‍ഥിയും നിലവിലെ എംഎല്‍എയുമായ കെ ജെ മാക്‌സിക്ക് രണ്ടാം വിജയം.യുഡിഎഫ് സ്ഥാനാര്‍ഥിയായ കോണ്‍ഗ്രസിലെ ടോണി ചമ്മണിയെയാണ് കെ ജെ മാക്‌സി പരാജയപ്പെടുത്തിയത്. 15 റൗണ്ടുകളും പൂര്‍ത്തിയാപ്പോള്‍ 14,108ല്‍പ്പരം വോട്ടുകളുടെ ഭൂരിപക്ഷത്തിലാണ് കെ ജെ മാക്‌സിയുടെ വിജയം.
ഇനി പോസ്റ്റല്‍ വോട്ടുകളുടെ എണ്ണം മാത്രമാണ് പൂര്‍ത്തിയാകാനുള്ളത്.53,973 വോട്ടുകള്‍ കെ ജെ മാക്‌സി നേടിയപ്പോള്‍ ടോണി ചമ്മണിക്ക് 39,865 വോട്ടുകളാണ് നേടിയത്.ബിജെപി സ്ഥാനാര്‍ഥി സി ജി രാജഗോപാലിന് 10,800 വോട്ടുകള്‍ മാത്രമാണ് നേടാനായത്.വോട്ടെണ്ണല്ലിന്റെ തുടക്കം മുതല്‍ തന്നെ കെ ജെ മാക്‌സിയായിരുന്നു മുന്നില്‍.ഈ ലീഡ് അവസാനം വരെ നിലനിര്‍ത്തിയാണ് മാക്‌സി രണ്ടാമതും വിജയം കൈവരിച്ചത്.