കെഎം ബഷീറിന്റെ മരണം: ഇ എം നജീബിനെ പ്രസ് ക്ലബ്ബ് അംഗത്വത്തില്‍നിന്നു പുറത്താക്കി
തിരുവനന്തപുരം: മാധ്യമപ്രവര്‍ത്തകന്‍ കെ എം ബഷീറിനെ വാഹനമിടിച്ചുകൊന്ന കേസിലെ പ്രതിയായ ഐഎഎസ് ഉദ്യോഗസ്ഥന്‍ ശ്രീറാം വെങ്കിട്ടരാമന്റെ രക്ത പരിശോധനാ സാംപിളുകള്‍ ശേഖരിക്കാതെയും പ്രതിക്കു തെളിവുകള്‍ നശിപ്പിക്കാന്‍ ആവശ്യമായ സൗകര്യങ്ങള്‍ ഒരുക്കുകയും ചെയ്ത കിംസ് ആശുപത്രിയുടെ നടപടിയില്‍ പ്രതിഷേധിച്ച് കിംസ് എക്‌സിക്യൂട്ടീവ് ഡയറക്ടറായ ഇ എം നജീബിനെ പ്രസ് ക്ലബ്ബ് അസോഷ്യേറ്റ് മെംബര്‍ഷിപ്പില്‍നിന്നു പുറത്താക്കി. തിരുവനന്തപുരം പ്രസ് ക്ലബ്ബ് ഭരണസമിതിയാണ് തീരുമാനമെടുത്തതെന്ന് പ്രസിഡന്റ് ജി പ്രമോദും സെക്രട്ടറി എം രാധാകൃഷ്ണനും അറിയിച്ചു.