ലോക്‌സഭാ തിരഞ്ഞെടുപ്പ്: ആദ്യദിനം സമര്‍പ്പിച്ചത് എട്ട് പത്രികകള്‍
തിരുവനന്തപുരം മണ്ഡലത്തില്‍ രണ്ടും ആറ്റിങ്ങല്‍, കൊല്ലം, ഇടുക്കി, ചാലക്കുടി, വയനാട്, കണ്ണൂര്‍ എന്നിവിടങ്ങളില്‍ ഓരോ പത്രികയുമാണ് സമര്‍പ്പിച്ചിട്ടുള്ളത്.
തിരുവനന്തപുരം: ലോക്‌സഭാ തിരഞ്ഞെടുപ്പിനുള്ള നാമനിര്‍ദേശപത്രിക സമര്‍പ്പിക്കാനുള്ള ആദ്യദിനം സംസ്ഥാനത്ത് ലഭിച്ചത് എട്ട് പത്രികകള്‍. തിരുവനന്തപുരം മണ്ഡലത്തില്‍ രണ്ടും ആറ്റിങ്ങല്‍, കൊല്ലം, ഇടുക്കി, ചാലക്കുടി, വയനാട്, കണ്ണൂര്‍ എന്നിവിടങ്ങളില്‍ ഓരോ പത്രികയുമാണ് സമര്‍പ്പിച്ചിട്ടുള്ളത്. പത്രിക നല്‍കിയവരില്‍ നാലുപേര്‍ സ്ത്രീകളാണ്.
മിനി എസ് (എസ്‌യുസിഐ), എ ഗോപകുമാര്‍ (ഡിഎച്ച്ആര്‍എം) എന്നിവരാണ് തിരുവനന്തപുരം മണ്ഡലത്തില്‍ പത്രിക സമര്‍പ്പിച്ചവര്‍. മറ്റു മണ്ഡലങ്ങളും സ്ഥാനാര്‍ഥികളും ചുവടെ: ആറ്റിങ്ങല്‍ ടി ഷൈലജ (ഡിഎച്ച്ആര്‍എം), കൊല്ലം സിന്റു പ്രഭാകരന്‍ (എസ്‌യുസിഐ), ഇടുക്കി ജോയ്‌സ് ജോര്‍ജ് (സ്വതന്ത്രന്‍), ചാലക്കുടി ജോസ് തോമസ് (മാര്‍ക്‌സിറ്റ് കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ (യുനൈറ്റഡ്)), വയനാട് മുജീബ് റഹ്മാന്‍ (സ്വതന്ത്രന്‍), കണ്ണൂര്‍ ആര്‍ അപര്‍ണ (എസ്‌യുസിഐ).