ശബരിമല: രണ്ട് ആന്ധ്രാപ്രദേശ് സ്വദേശികള്‍ക്ക് മലേറിയ സ്ഥിരീകരിച്ചു
പനി ബാധിച്ചതിനെത്തുടര്‍ന്ന് സന്നിധാനത്തെ സര്‍ക്കാര്‍ ആശുപത്രിയില്‍ ചികിത്സ തേടിയെത്തിയ യുവാക്കള്‍ക്കാണ് രക്ത പരിശോധനയില്‍ മലേറിയ സ്ഥിരീകരിച്ചത്.
പത്തനംതിട്ട: ശബരിമല ദര്‍ശനത്തിന് എത്തിയ രണ്ട് ആന്ധ്രാപ്രദേശ് സ്വദേശികള്‍ക്ക് മലേറിയ സ്ഥിരീകരിച്ചു. വിദഗ്ധ ചികില്‍സക്കായി ഇവരെ കോട്ടയം മെഡിക്കല്‍ കോളജിലേക്ക് മാറ്റി. പനി ബാധിച്ചതിനെത്തുടര്‍ന്ന് സന്നിധാനത്തെ സര്‍ക്കാര്‍ ആശുപത്രിയില്‍ ചികിത്സ തേടിയെത്തിയ യുവാക്കള്‍ക്കാണ് രക്ത പരിശോധനയില്‍ മലേറിയ സ്ഥിരീകരിച്ചത്. പ്രാഥമിക ചികിത്സ നല്‍കിയ ശേഷം ഇവരെ പമ്പ ഗവണ്‍മെന്റ് ആശുപത്രിയിലെത്തിക്കുകയും അവിടെനിന്ന് കോട്ടയം മെഡിക്കല്‍ കോളജിലേക്ക് വിദഗ്ധ ചികിത്സക്കായി മാറ്റുകയുമായിരുന്നു.