വിമാനത്താവളത്തില്‍ നിന്നും യുവാവിനെ തട്ടിക്കൊണ്ടുപോയ കേസ് : ഒരാള്‍ കൂടി പിടിയില്‍
കൊടുവള്ളി ഏരേക്കക്കുടി മുഹമ്മദ് ഹാരീസ് (37) എന്നയാളെയാണ് ജില്ലാ പോലീസ് മേധാവി കെ കാര്‍ത്തിക്കിന്റെ നേതൃത്വത്തില്‍ പിടികൂടിയത്. ഇതോടെ ഈ കേസില്‍ പിടിയിലാകുന്നവരുടെ എണ്ണം പതിനാലായി.
കൊച്ചി:ഷാര്‍ജയില്‍ നിന്നെത്തിയ താജു തോമസ് എന്നയാളെ നെടുമ്പാശ്ശേരി വിമാനത്താവളത്തിലെ ടെര്‍മിനലില്‍ നിന്നും ഒരു സംഘം ആളുകള്‍ തട്ടിക്കൊണ്ടുപോയ സംഭവത്തില്‍ ഒരാളെ കൂടി പോലീസ് പിടികൂടി. കൊടുവള്ളി ഏരേക്കക്കുടി മുഹമ്മദ് ഹാരീസ് (37) എന്നയാളെയാണ് ജില്ലാ പോലീസ് മേധാവി കെ കാര്‍ത്തിക്കിന്റെ നേതൃത്വത്തില്‍ പിടികൂടിയത്. ഇതോടെ ഈ കേസില്‍ പിടിയിലാകുന്നവരുടെ എണ്ണം പതിനാലായി.
സ്വര്‍ണ്ണക്കടത്തായിരുന്നു സംഭവത്തിന്റെ പിന്നിലെന്നാണ് അന്വേഷണത്തില്‍ നിന്നും ലഭിക്കുന്ന വിവരമെന്ന് പോലിസ് വ്യക്തമാക്കി. തട്ടിക്കൊണ്ടുപോയ സംഘത്തിന് ലഭിച്ച തെറ്റായ വിവരത്തെ തുടര്‍ന്ന്! ആളുമാറിയാണ് താജു തോമസിനെ പിടികൂടിയാതെന്നാണ് അന്വേഷണത്തില്‍ നിന്നും വെളിവാകുന്നതെന്നും പോലിസ് വ്യക്തമാക്കി.
ആലുവ ഡിവൈഎസ്പി ശിവന്‍കുട്ടി, നെടുമ്പാശ്ശേരി ഇന്‍സ്‌പെക്ടര്‍ പി എം ബൈജു, എഎസ്‌ഐ മാരായ ബാലചന്ദ്രന്‍, സാബു, സിപിഒ മാരായ മിഥുന്‍, മധുസൂദനന്‍, സിനോജ്, ഫ്രാന്‍സിസ്എന്നിവരും അന്വേഷണ സംഘത്തിലുണ്ടായിരുന്നു.