അമ്മയുടെ മടിയിലിരുന്ന ഒന്നരവയസ്സുകാരി മിന്നലേറ്റ് മരിച്ചു
മാനന്തവാടി എടവക പഞ്ചായത്തിലെ പാതിരിച്ചാല്‍ പന്നിയില്‍ ആദിവാസി കോളനിയിലെ അനീഷ്- മുത്തു ദമ്പതികളുടെ മകള്‍ ശ്രീലക്ഷ്മിയാണ് മരിച്ചത്.
കല്‍പ്പറ്റ: അമ്മയുടെ മടിയിലിരുന്ന ഒന്നര വയസ്സുകാരി ഇടിമിന്നലേറ്റു മരിച്ചു. മാനന്തവാടി എടവക പഞ്ചായത്തിലെ പാതിരിച്ചാല്‍ പന്നിയില്‍ ആദിവാസി കോളനിയിലെ അനീഷ്- മുത്തു ദമ്പതികളുടെ മകള്‍ ശ്രീലക്ഷ്മിയാണ് മരിച്ചത്. വൈകീട്ട് അഞ്ചുമണിയോടെയാണ് സംഭവം. അപകടസമയത്ത് കുട്ടി അമ്മ മുത്തുവിന്റെ മടിയിലായിരുന്നു.
മിന്നലേറ്റ കുഞ്ഞ് ഉടന്‍ ബോധരഹിതയായി. ഉടന്‍ മാനന്തവാടി ജില്ലാ ആശുപത്രിയുടെ അത്യാഹിതവിഭാഗം പ്രവര്‍ത്തിക്കുന്ന വിന്‍സെന്റ് ഗിരി ആശുപത്രിയിലെത്തിച്ചെങ്കിലും മരണപ്പെട്ടു. മാതാവിന് പരിക്കൊന്നുമില്ല. മൃതദേഹം പോസ്റ്റുമോര്‍ട്ടത്തിനായി മാനന്തവാടി ജില്ലാ ആശുപത്രി മോര്‍ച്ചറിയിലേക്ക് മാറ്റി. കൃഷ്ണപ്രിയ, ശ്രീദേവി, പ്രിയ എന്നിവര്‍ സഹോദരങ്ങളാണ്.