പരപ്പനങ്ങാടി: പരപ്പനങ്ങാടി ഫിഷിങ് ഹാര്‍ബറിന് മുഖ്യമന്ത്രി പിണറായി വിജയന്‍ ശിലയിട്ടു. ഫിഷറീസ് വകുപ്പ് മന്ത്രി ജെ മേഴ്‌സിക്കുട്ടി അമ്മ അധ്യക്ഷയായി. പി ഐ ഷെയ്ഖ് പരീത് റിപ്പോര്‍ട്ട് അവതരിപ്പിച്ചു. മല്‍സ്യത്തൊഴിലാളികള്‍ക്കുള്ള സാറ്റലൈറ്റ് ഫോണ്‍ സംസ്ഥാനതല വിതരണോദ്ഘാടനം സ്പീക്കര്‍ ശ്രീരാമകൃഷ്ണന്‍ നിര്‍വഹിച്ചു. മന്ത്രി കെ ടി ജലീല്‍ മുഖ്യപ്രഭാഷണം നടത്തി. ഇ ടി മുഹമ്മദ്ബഷീര്‍ എംപി, പി കെ അബ്ദുറബ്ബ് എം എല്‍ എ, വി അബ്ദുറഹ്മാന്‍ എം എല്‍ എ, എസ് വെങ്കടേശപതി ഐ എ എസ് തുടങ്ങി ജനപ്രതിനിധികള്‍, വിവിധ രാഷ്ട്രീയപാര്‍ട്ടി നേതാക്കള്‍ പ്രസംഗിച്ചു.