മെയ് 30 വരെയുള്ള പിഎസ്‌സി പരീക്ഷകൾ മാറ്റിവെച്ചു

തിരുവനന്തപുരം: കൊറോണ വൈറസ് ബാധയുടെ പശ്ചാത്തലത്തിൽ ലോക്ക്ഡൗൺ മെയ് മൂന്ന് വരെ നീട്ടിയ സാഹചര്യത്തിൽ മെയ് 30 വരെയുള്ള കേരള പി.എസ്‌.സി പരീക്ഷകൾ മാറ്റിവെച്ചു.

ഏപ്രിൽ 16 മുതൽ മേയ് 30 വരെയുള്ള കാലയളവിൽ നടത്താൻ നിശ്ചയിച്ച എല്ലാ ഒ.എം.ആർ./ ഓൺലൈൻ/ ഡിക്ടേഷൻ/ എഴുത്തുപരീക്ഷകളുമാണ് മാറ്റിവെച്ചത്.

പുതുക്കിയ തിയ്യതി, സമയം, സ്ഥലം എന്നിവ പിന്നീട് അറിയിക്കുമെന്നും കേരള പബ്ലിക് സർവീസ് കമ്മിഷൻ ഔദ്യോഗിക ഫേസ്ബുക്ക് പേജിലൂടെ അറിയിച്ചു.