ന്യൂമാഹിയില്‍ കടല്‍ക്ഷോഭം: എസ്ഡിപിഐ, പോപുലര്‍ ഫ്രണ്ട് നേതാക്കള്‍ സന്ദര്‍ശിച്ചു
ന്യൂമാഹി: കടല്‍ക്ഷോഭമുണ്ടായ ന്യൂമാഹി പഞ്ചായത്തിലെ പ്രദേശങ്ങള്‍ എസ്ഡിപിഐ, പോപുലര്‍ ഫ്രണ്ട് നേതാക്കള്‍ സന്ദര്‍ശിച്ചു. പരിമഠം കോദോത്തിയിലെ ദുരിതം നടന്ന സ്ഥലവും അവിടെയുള്ള ആറ് കുടുംബങ്ങളെ മാറ്റിത്താമസിപ്പിച്ച പുന്നോല്‍ മാപ്പിള എല്‍പി സ്‌കൂളിലെ ദുരിതാശ്വാസ ക്യാംപുമാണ് നേതാക്കള്‍ സന്ദര്‍ശിച്ചത്.
എസ്ഡിപിഐ കണ്ണൂര്‍ ജില്ലാ പ്രസിഡന്റ് എ സി ജലാലുദ്ദീന്‍, പോപുലര്‍ ഫ്രണ്ട് തലശ്ശേരി ഡിവിഷന്‍ സെക്രട്ടറി മുഹമ്മദ് ഷാബില്‍, എസ്ഡിപിഐ മാഹി മേഖലാ പ്രസിഡന്റ് നാസിര്‍ ചെറുക്കല്ലായി, എസ്ഡിപിഐ പുന്നോല്‍ ബ്രാഞ്ച് പ്രസിഡന്റ് അബ്ദുല്ല, ബഷീര്‍, ഫാറൂഖ് തുടങ്ങിയവരാണ് സംഘത്തിലുണ്ടായിരുന്നത്.