രക്ഷാപ്രവര്‍ത്തനം മാതൃകാപരം: കേരള സുന്നി യുവജനവേദി
വിമാനാപകടത്തില്‍പെട്ടവര്‍ക്ക് നഷ്ടപരിഹാരത്തിനൊപ്പം ആശുപത്രി ചെലവും നല്‍കുമെന്ന മുഖ്യമന്ത്രിയുടെ പ്രസ്താവനയും കേന്ദ്ര ഗവണ്‍മെന്റ് സഹായത്തെയും സ്വാഗതം ചെയ്യുന്നു.
കോഴിക്കോട്: വിമാനാപകട സ്ഥലത്ത് കൊണ്ടോട്ടിയിലെ ജനങ്ങളുടെ ജീവന്‍ രക്ഷാപ്രവര്‍ത്തനങ്ങള്‍ മാതൃകാപരമാണെന്ന് കേരള സുന്നി യുവജനവേദി ജനറല്‍ സെക്രട്ടറി മരുത അബ്ദുല്‍ ലത്തീഫ് മൗലവി. ദുരന്തമേഖലയിലെ രക്ഷാ പ്രവര്‍ത്തനങ്ങളില്‍ അധികൃതര്‍ക്കൊപ്പം എല്ലാവിധ മുന്‍കരുതലുകളോടെ രംഗത്തിറങ്ങണമെന്നും അദ്ദേഹം അഭ്യര്‍ത്ഥിച്ചു.
വിമാനാപകടത്തില്‍പെട്ടവര്‍ക്ക് നഷ്ടപരിഹാരത്തിനൊപ്പം ആശുപത്രി ചെലവും നല്‍കുമെന്ന മുഖ്യമന്ത്രിയുടെ പ്രസ്താവനയും കേന്ദ്ര ഗവണ്‍മെന്റ് സഹായത്തെയും സ്വാഗതം ചെയ്യുന്നു. കൊവിഡും കാലവര്‍ഷക്കെടുതിയും വലിയ വെല്ലുവിളിയുയര്‍ത്തുന്നുണ്ട്. ദുരന്തങ്ങളും അപകടങ്ങളും മുന്നില്‍കണ്ട് അധികൃതരുടെ നിര്‍ദേശങ്ങള്‍ പൂര്‍ണമായും ഉള്‍ക്കൊണ്ട് എല്ലാവരും ജാഗ്രത പുലര്‍ത്തണമെന്നും അബ്ദുല്‍ ലത്തീഫ് മൗലവി ആവശ്യപ്പെട്ടു.