മണ്ണുത്തി: കാര്‍ഷിക സര്‍വകലാശാലാ ക്വാര്‍ട്ടേഴ്‌സില്‍ നിന്നു സ്വര്‍ണം മോഷണം പോയി. ക്വാര്‍ട്ടേഴ്‌സില്‍ താമസിക്കുന്ന പ്രഫ. സ്മിത സന്തോഷ് കുമാറിന്റെ വീട്ടില്‍ നിന്നാണ് മാല, പാദസരം വള എന്നിവയടങ്ങിയ പത്തു പവനോളം സ്വര്‍ണം മോഷ്ടിക്കപ്പെട്ടത്. പ്രഫ. സ്മിതയും ഭര്‍ത്താവ് സന്തോഷ്‌കുമാറും വീട്ടിലില്ലാത്ത സമയത്തായിരുന്നു മോഷണം.
വിദ്യാര്‍ഥികളായ മക്കള്‍ വീട്ടിലെത്തിയപ്പോഴാണ് മോഷണ വിവരം പുറത്തറിഞ്ഞത്. വീടിന്റെ മുന്‍വശത്തെ വാതിലിന്റെ പൂട്ട് പൊളിച്ചാണ് മോഷ്ടാക്കള്‍ അകത്തു കടന്നത്. മണ്ണുത്തി പോലിസ് അന്വേഷണം ആരംഭിച്ചു.ാേ