സ്വര്‍ണക്കടത്ത്: കേസ് ഡയറി ഹാജരാക്കാന്‍ എന്‍ ഐ എക്ക് കോടതി നിര്‍ദേശം
കേസില്‍ എന്‍ ഐ എ അറസ്റ്റു ചെയ്ത പ്രതി സ്വപ്‌ന സുരേഷന്റെ ജാമ്യഹരജി പരിഗണിക്കവയൊണ് കേസ് ഡയറി ഹാജരാക്കാന്‍ കോടതി എന്‍ ഐ എക്ക് നിര്‍ദേശം നല്‍കിയത്.കേസില്‍ തനിക്കെതിരെ ചുമത്തിയിരിക്കുന്ന യുഎപിഎ വകുപ്പുകള്‍ നിലനില്‍ക്കില്ലെന്നാണ് സ്വപ്‌ന സുരേഷ് ഹരജിയില്‍ ഉന്നയിച്ചിരിക്കുന്നത്അടുത്ത മാസം നാലിന് കേസ് വീണ്ടും കോടതി പരിഗണിക്കും.
കൊച്ചി: ദുബായില്‍ നിന്നും തിരുവനന്തപുരം വിമാനത്താവളം വഴി ഡിപ്ലോമാറ്റിക് ബാഗിലൂടെ സ്വര്‍ണം കടത്തിയെന്ന സംഭവത്തില്‍ കേസ് ഡയറി ഹാജരാക്കാന്‍ എന്‍ ഐ എക്ക് കോടതിയുടെ നിര്‍ദേശം. കേസില്‍ എന്‍ ഐ എ അറസ്റ്റു ചെയ്ത പ്രതി സ്വപ്‌ന സുരേഷന്റെ ജാമ്യഹരജി പരിഗണിക്കവയൊണ് കേസ് ഡയറി ഹാജരാക്കാന്‍ കോടതി എന്‍ ഐ എക്ക് നിര്‍ദേശം നല്‍കിയത്.കേസില്‍ തനിക്കെതിരെ ചുമത്തിയിരിക്കുന്ന യുഎപിഎ വകുപ്പുകള്‍ നിലനില്‍ക്കില്ലെന്നാണ് സ്വപ്‌ന സുരേഷ് ഹരജിയില്‍ ഉന്നയിച്ചിരിക്കുന്നത്.
കേസിന് തീവ്രവാദബന്ധമില്ല.അത്തരത്തിലുള്ള യാതൊവിധ തെളിവുകളും എന്‍ ഐ എക്ക് ലഭിച്ചിട്ടില്ലെന്നും തിടുക്കപ്പെട്ട് യുഎപിഎ വകുപ്പുകള്‍ ചുമത്തി എന്‍ ഐ എ രജിസ്റ്റര്‍ ചെയ്തിരിക്കുന്ന കേസാണിതെന്നുമാണ് പ്രതിഭാഗത്തിന്റെ വാദം.എന്നാല്‍ ആവശ്യമായ തെളിവകള്‍ ഉണ്ടെന്നും ഇതിന്റെ അടിസ്ഥാനത്തിലാണ് കേസ് രജിസ്റ്റര്‍ ചെയ്തിരിക്കുന്നതെന്നുമാണ് എന്‍ ഐ എ അഭിഭാഷകന്‍ കോടതിയെ അറിയിച്ചത്.തുടര്‍ന്നാണ് കേസ് ഡയറി ഹാജരാക്കാന്‍ കോടതി എന്‍ ഐ എക്ക് നിര്‍ദേശം നല്‍കിയത്. അടുത്ത മാസം നാലിന് കേസ് വീണ്ടും കോടതി പരിഗണിക്കും.