വാക്കു തര്‍ക്കത്തിനിടെ യുവാവ് കുഴഞ്ഞു വീണു മരിച്ചു; സുഹൃത്ത് കസ്റ്റഡിയില്‍
വെള്ളമുണ്ട വാരാമ്പറ്റ പൂളക്കല്‍ ഷിഹാബ് (38) ആണ് മരിച്ചത്. സുഹൃത്തും അയല്‍വാസിയുമായ അത്തിലന്‍ അമ്മദ് (36)നെയാണ് വെള്ളമുണ്ട പോലിസ് കസ്റ്റഡിയിലെടുത്തത്.
മാനന്തവാടി: അയല്‍വാസികള്‍ തമ്മിലുള്ള വാക്കു തര്‍ക്കത്തിനിടെ യുവാവ് കുഴഞ്ഞു വീണു മരിച്ചു. സംഭവവുമായി ബന്ധപ്പെട്ട് സുഹൃത്തിനെ പോലിസ് കസ്റ്റഡിയിലെടുത്തു. വെള്ളമുണ്ട വാരാമ്പറ്റ പൂളക്കല്‍ ഷിഹാബ് (38) ആണ് മരിച്ചത്. സുഹൃത്തും അയല്‍വാസിയുമായ അത്തിലന്‍ അമ്മദ് (36)നെയാണ് വെള്ളമുണ്ട പോലിസ് കസ്റ്റഡിയിലെടുത്തത്.
ഇവര്‍ തമ്മില്‍ വൈകിട്ട് ആറരയോടെ വാക്കുതര്‍ക്കമുണ്ടായി. നാട്ടുകാര്‍ ഇരുവരെയും പിടിച്ചുമാറ്റി. ഇതിനിടെ ശിഹാബ് കുഴഞ്ഞു വീണു. ആശുപത്രിയിലേക്കു കൊണ്ടുപോകും വഴിയാണു മരിച്ചത്.
മൃതദേഹം മാനന്തവാടി ജില്ലാ ആശുപത്രിയില്‍ സൂക്ഷിച്ചിരിക്കുകയാണ്. ഗള്‍ഫില്‍ നിന്ന് മടങ്ങിയെത്തിയ ഷിഹാബ് പിക്കപ്പ് ജീപ്പ് ഡ്രൈവറാണ്. ഭാര്യ റജീന മാനന്തവാടിയില്‍ അഭിഭാഷകന്റെ ഓഫീസില്‍ ഗുമസ്ഥയാണ്. മക്കള്‍: നൈന ഫാത്തിമ, മുഹമ്മദ് സല്‍മാന്‍(ഒന്നര വയസ്സ്).