കഴക്കൂട്ടം: കഴക്കൂട്ടം റേഞ്ച് പരിധിയില്‍ കഠിനംകുളം, ചാന്നാങ്കര, കണിയാപുരം ഭാഗങ്ങളില്‍ കഞ്ചാവ് വില്പന നടത്തിവന്ന തിരുവനന്തപുരം താലൂക്കില്‍ മുട്ടത്തറ വില്ലേജില്‍ മുട്ടത്തറ ദേശത്തു പുതുവല്‍ പുത്തന്‍ വീട്ടില്‍ സോമന്‍ മകന്‍ ചെരുപ്പ് കുമാര്‍ എന്നു വിളിക്കുന്ന കൃഷ്ണകുമാറിനെ(47) ഒന്നര കിലോ കഞ്ചാവും, കഞ്ചാവ് വില്പന നടത്തുന്ന ബെക്കുമായി കഴക്കൂട്ടം എക്‌സൈസ് പിടികൂടി. എക്‌സൈസ് കമ്മിഷണര്‍ക്കു ലഭിച്ച വിവരത്തിന്റെ അടിസ്ഥാനത്തിലാണ് കൃഷ്ണകുമാറിനെ പിടികൂടിയതെന്നു അധികൃതര്‍ അറിയിച്ചു.