കൊറോണ. ദുബയില്‍ മെട്രോ ഓട്ടം നിര്‍ത്തുന്നു
കൊറോണ വൈറസ് പടരുന്നത് തടയാനായി ദുബയിലെ മെട്രോ, ട്രാം സേവനങ്ങള്‍ ഞായറാഴ്ച മുതല്‍ നിര്‍ത്തലാക്കുന്നു
ദുബയ്: കൊറോണ വൈറസ് പടരുന്നത് തടയുന്നതിനായി ദുബയിലെ മെട്രോ, ട്രാം സേവനങ്ങള്‍ ഞായറാഴ്ച മുതല്‍ നിര്‍ത്തലാക്കുന്നു. രാജ്യം അണു വിമുക്തമാക്കുന്നതിന്റെ ഭാഗമായി നിലവില്‍ രാത്രി 8 മുതല്‍ രാവിലെ 6 വരെ എല്ലാ സ്വകാര്യ വാഹനങ്ങള്‍ക്കും വിലക്ക് ഏര്‍പ്പെടുത്തിയിട്ടുണ്ട്. അതേ സമയം പകല്‍ സമയങ്ങളില്‍ ബസ്സ്, ടാക്‌സി സര്‍വ്വീസുകള്‍ ഉണ്ടായിരിക്കും. ഒരു അറിയിപ്പ് ഉണ്ടാകുന്നത് വരെ മെട്രോ സര്‍വ്വീസ് ഉണ്ടായിരിക്കില്ലെന്നാണ് ദുബയ് റോഡ്‌സ് ആന്റ് ട്രാന്‍സ്‌പോര്‍ട്ട് അഥോറിറ്റി (ആര്‍.ടി.എ)അറിയിച്ചിരിക്കുന്നത്.