കൊവിഡ്: തിരുവനന്തപുരം വള്ളക്കടവ് സ്വദേശി ഹഫര്‍ അല്‍ ബാത്തിനില്‍ മരിച്ചു
വള്ളക്കടവ് വയലില്‍ വീട്ടില്‍ പരേതനായ സൈനുല്ലാബ്ദീന്റെ മകന്‍ ഷബീര്‍ (40) ആണ് മരിച്ചത്. കഴിഞ്ഞ രണ്ടാഴ്ചയായി കിങ് ഖാലിദ് ജനറല്‍ ഹോസ്പിറ്റലില്‍ ചികില്‍സയിലായിരുന്നു.
ഹഫര്‍ അല്‍ ബാത്തിന്‍: കൊവിഡ് ബാധിച്ച് തിരുവനന്തപുരം വള്ളക്കടവ് സ്വദേശി ഹഫര്‍ അല്‍ ബാത്തിനില്‍ മരിച്ചു. വള്ളക്കടവ് വയലില്‍ വീട്ടില്‍ പരേതനായ സൈനുല്ലാബ്ദീന്റെ മകന്‍ ഷബീര്‍ (40) ആണ് മരിച്ചത്. കഴിഞ്ഞ രണ്ടാഴ്ചയായി കിങ് ഖാലിദ് ജനറല്‍ ഹോസ്പിറ്റലില്‍ ചികില്‍സയിലായിരുന്നു. നാട്ടില്‍ അവധിക്കുപോവാന്‍ തയ്യാറാവുന്ന സമയത്താണ് അസുഖബാധിതനായി ഹോസ്പിറ്റലില്‍ പ്രവേശിപ്പിച്ചത്.
കഴിഞ്ഞ 10 വര്‍ഷമായി ഹഫറില്‍ ബക്കാല ജോലിചെയ്തുവരികയായിരുന്നു ഇദ്ദേഹം. മൂന്നുവര്‍ഷം മുമ്പാണ് അവസാനം നാട്ടില്‍ പോയി വന്നത്. മാതാവ്: ആരിഫാബീവി. ഭാര്യ: മദീന ബീവി, മകള്‍: ഫസ്‌ന. കിങ് ഖാലിദ് ജനറല്‍ ഹോസ്പിറ്റല്‍ മോര്‍ച്ചറിയില്‍ സൂക്ഷിച്ചിരിക്കുന്ന മയ്യിത്ത് ഇവിടെ ഖബറടക്കുന്നതിന് നിയമനടപടികള്‍ക്ക് എല്ലാവിധ സഹായവുമായി ഇന്ത്യന്‍ സോഷ്യല്‍ ഫോറം പ്രവര്‍ത്തകരായ നൗഷാദ് കൊല്ലം, ഷിനുഖാന്‍ പന്തളം എന്നിവര്‍ രംഗത്തുണ്ട്.