ടെഹ്‌റാന്‍: ഇറാനിലെ തെക്കുപടിഞ്ഞാറന്‍ ഫാര്‍സ് പ്രവിശ്യയില്‍ ഭൂചനലം. പ്രാദേശിക സമയം ഞായറാഴ്ച രാത്രി 19:04നാണ് റിക്ടര്‍ സ്‌കെയിലില്‍ 5.7 തീവ്രത രേഖപ്പെടുത്തിയ ഭൂചലനം അനുഭവപ്പെട്ടതെന്ന് ടെഹ്‌റാന്‍ സര്‍വകലാശാലയിലെ ജിയോഫിസിക്‌സ് ഇന്‍സ്റ്റിറ്റിയൂട്ടിന്റെ സീസ്‌മോളജിക്കല്‍ സെന്റര്‍ അറിയിച്ചു. ഭൂഗര്‍ഭത്തില്‍ 11 കിലോമീറ്റര്‍ ആഴത്തില്‍ പ്രകമ്പനം ഉണ്ടായതായി വാര്‍ത്താ ഏജന്‍സിയായ ഇര്‍ന റിപോര്‍ട്ട് ചെയ്തു. നാശനഷ്ടങ്ങളോ ആളപായമോ സംബന്ധിച്ച് ഇതുവരെ റിപോര്‍ട്ടുകള്‍ പുറത്തുവന്നിട്ടില്ല. രാജ്യത്ത് വരുദിവസങ്ങളിലും ഭൂചനലനത്തിനു സാധ്യതയുണ്ടെന്നും സീസ്‌മോളജിക്കല്‍ സെന്റര്‍ അറിയിച്ചു.
Earthquake in Iran