അബഹ: കഴിഞ്ഞ രണ്ടു മാസക്കാലമായി അബഹയിലെ സ്വകാര്യ ആശുപത്രിയില്‍ അബോധാവസ്ഥയില്‍ ചികില്‍സയില്‍ കഴിഞ്ഞിരുന്ന മലപ്പുറം എടക്കര സ്വദേശി കളത്തില്‍തൊടി മൊയ്തീന്(54) ഐസിഎഫ് പ്രവര്‍ത്തകര്‍ തുണയായി. വിദഗ്ധ ചികില്‍സയ്ക്കായി മൊയ്തീനെ നാട്ടിലേക്ക് കൊണ്ടുപോയി. ഐസിഎഫ് പ്രവര്‍ത്തകരായ ഒ പി സിദ്ദീഖ് മുസ്‌ല്യാര്‍, ഷാ കൈരളി, ബഷീര്‍ അന്‍വരി, മുഹമ്മദാലി കരുളായി, മുഹമ്മദ്കുട്ടി മണ്ണാര്‍ക്കാട് തുടങ്ങിയവരുടെ നിരന്തര ശ്രമഫലമായാണ് നാട്ടിലേക്ക് കൊണ്ടുപോവാനായത്. സൈനുദ്ദീന്‍ അമാനി, ആശുപത്രി നഴ്‌സ് സനീഷ് ചാക്കോ എന്നിവര്‍ അനുഗമിച്ചു.