ജുബൈല്‍ നോര്‍ക്ക ഹെല്പ് ഡെസ്‌കിന്റെ ഭക്ഷ്യ കിറ്റ് വിതരണത്തില്‍ പങ്കുചേര്‍ന്ന് ഇന്ത്യന്‍ സോഷ്യല്‍ ഫോറവും
ജുബൈല്‍: നോര്‍ക്ക ഹെല്പ് ഡെസ്‌ക് മുഖേന ലോക്ക്ഡൗണില്‍ ദുരിതമനുഭവിക്കുന്ന ജുബൈലിലെ മലയാളികള്‍ക്കായി നടത്തുന്ന ഭക്ഷ്യ കിറ്റ് വിതരണത്തില്‍ പങ്ക് ചേര്‍ന്ന് ഇന്ത്യന്‍ സോഷ്യല്‍ ഫോറം. 100 കിറ്റുകള്‍ക്കാവശ്യമായ ഭക്ഷ്യ വസ്തുക്കളാണ് കഴിഞ്ഞ ദിവസം ജുബൈല്‍ ബ്ലോക്ക് കമ്മിറ്റി കൈമാറിയത്. സോഷ്യല്‍ ഫോറം ജുബൈല്‍ ബ്ലോക്ക് കമ്മിറ്റിക്കു വേണ്ടി പ്രസിഡന്റ് ശിഹാബ് കീച്ചേരി നോര്‍ക്ക ഹെല്പ് ഡെസ്‌ക് പ്രതിനിധികളായ ജയന്‍ തച്ചന്‍പാറ, നൂഹ് പാപ്പിനിശ്ശേരി എന്നിവര്‍ക്ക് കൈമാറി. ഫോറം ജുബൈല്‍ ബ്ലോക്ക് ഭാരവാഹികളായ ശിഹാബ് കീച്ചേരി, സയീദ് മേത്തര്‍, കുഞ്ഞിക്കോയ താനൂര്‍, അജീബ് കോതമംഗലം സംബന്ധിച്ചു.