കുവൈത്ത് സിറ്റി: നാട്ടിലേക്ക് വരാനിരിക്കെ ഗൃഹനാഥന്‍ കുഴഞ്ഞുവീണ് മരിച്ചു. തൃശൂര്‍ ഏനാമാവ് റെഗുലേറ്ററിന് സമീപം പണിക്കവീട്ടില്‍ അബ്ദുല്‍ കലാമാണ് (61) മരിച്ചത്. ഇന്നലെ നാട്ടിലേക്ക് വരാന്‍ ടിക്കറ്റെടുത്തിരുന്നു. അതിന് തലേന്ന് രാത്രി കുഴഞ്ഞുവീഴുകയായിരുന്നു. കുവൈത്തിലെ ആശുപത്രിയില്‍ പ്രവേശിപ്പിച്ചെങ്കിലും ഇന്നലെ രാവിലെ മരിച്ചു. 15 വര്‍ഷമായി കുവൈത്തില്‍ മുസ്തഫ കരാമ കമ്പനിയിലെ ജീവനക്കാരനാണ്. മൃതദേഹം നാട്ടിലെത്തിച്ച് ഖബറടക്കും. ഭാര്യ: ഷംസിയ. മകള്‍: ആയിഷ.