കുവൈത്ത് സിറ്റി: മലയാളി നഴ്‌സ് കുവൈത്തില്‍ ഹൃദയാഘാതം മൂലം മരിച്ച വിവരമറിഞ്ഞ് മാതാവ് നാട്ടില്‍ ഹൃദയാഘാതത്തെ തുടര്‍ന്ന് മരിച്ചു. കുവൈത്ത് അദാന്‍ ആശുപത്രിയിലെ സ്റ്റാഫ് നഴ്‌സായിരുന്ന മാവേലിക്കര കൊല്ലക്കടവ് കടയിക്കാട് രഞ്ജു സിറിയക്കാ(38)ണ് മരിച്ചത്. നാട്ടില്‍ വിവരമറിഞ്ഞയുടന്‍ മാതാവ് കുഞ്ഞുമോള്‍ക്ക് അസ്വസ്ഥയുണ്ടായി. ഹൃദയാഘാതത്തെ തുടര്‍ന്നാണ് ആശുപത്രിയിലെത്തിച്ചെങ്കിലും മരണപ്പെട്ടു. രഞ്ജു സിറിയക്കിന്റെ ഭാര്യ ജീനയും അദാന്‍ ആശുപത്രിയില്‍ നഴ്‌സാണ്. ഇവാഞ്ജലീനയാണ് ഏക മകള്‍. ഇവര്‍ കുടുംബസമേതം അബൂഹലീഫയിലായിരുന്നു താമസം.