ഡയമണ്ട് ലീഗില്‍ സ്വര്‍ണ്ണം നേടുന്ന ആദ്യ ഇന്ത്യക്കാരനായി നീരജ് ചോപ്ര

സൂറിച്ച്: ഡയമണ്ട് ലീഗില്‍ സ്വര്‍ണ്ണം നേടി ഇന്ത്യയുടെ ഒളിംപിക് ചാംപ്യന്‍ നീരജ് ചോപ്ര. ജാവ്‌ലിനില്‍ 88.44 മീറ്റര്‍ ദൂരം എറിഞ്ഞാണ് താരം സ്വര്‍ണ്ണം നേടിയത്. ആദ്യമായാണ് ഒരു ഇന്ത്യന്‍ താരം ഡയമണ്ട് ലീഗില്‍ സ്വര്‍ണ്ണം നേടുന്നത്. മൂന്നാമത്തെ ശ്രമത്തിലാണ് നീരജ് 88 മീറ്റര്‍ ദൂരം താണ്ടിയത്.ചെക്ക് റിപ്പബ്ലിക്കിന്റെ ജാക്കുബ് വഡെല്‍ച്ച് വെള്ളിയും ജര്‍മ്മനിയുടെ ജൂലിയന്‍ വെബര്‍ വെങ്കലവും നേടി.