18കാരന്‍ ഗുസ്താവ് മക്കിയോണിന് സെഞ്ചുറി; ട്വന്റിയില്‍ ലോകറെക്കോഡ്
ടൂര്‍ണ്ണമെന്റിലെ ടോപ് സ്‌കോററും മക്കിയോണ്‍ ആണ്.
പാരിസ്: ട്വന്റി-20യില്‍ ഏറ്റവും പ്രായം കുറഞ്ഞ സെഞ്ചുറി നേട്ടക്കാരനായി ഗുസ്താവ് മക്കിയോണ്‍. ഫ്രഞ്ച് താരമാണ് ലോക ട്വന്റി-20ക്രിക്കറ്റില്‍ പുതിയ റെക്കോഡിട്ടത്. 18 വയസ്സും 280 ദിവസവുമാണ് താരത്തിന്റെ പ്രായം.2024 ട്വന്റി-20 ലോകകപ്പിനുള്ള യൂറോപ്പിലെ സബ് റീജേണല്‍ യോഗ്യത മല്‍സരത്തിലാണ് മക്കിയോണിന്റെ നേട്ടം. സ്വിറ്റ്‌സര്‍ലന്റിനെതിരായ മല്‍സരത്തിലാണ് താരത്തിന്റെ റെക്കോഡ് സെഞ്ചുറി പിറന്നത്. 61 പന്തിലാണ് താരം 109 റണ്‍സ് നേടിയത്. അഫ്ഗാന്‍ താരം ഹസറത്തുള്ളാ സസായിയുടെ പേരിലായിരുന്നു മുമ്പ് ഈ റെക്കോഡ്. താരം അയര്‍ലന്റിനെതിരേ 20 വയസ്സും 337 ദിവസവും ഉള്ളപ്പോഴാണ് സെഞ്ചുറി നേടിയത്(62 പന്തില്‍ 162 റണ്‍സ്).എന്നാല്‍ താരത്തിന്റെ ഇന്നിങ്‌സ് ഫ്രാന്‍സിന് ജയം നല്‍കിയില്ല. ടൂര്‍ണ്ണമെന്റിലെ ടോപ് സ്‌കോററും മക്കിയോണ്‍ ആണ്.