ഇന്ത്യ-ശ്രീലങ്ക പരമ്പര 13ല്‍ നിന്ന് 17ലേക്ക് മാറ്റി
ട്വന്റി പരമ്പര 24നാണ് ആരംഭിക്കുക.
കൊളംബോ: ജൂലായ് 13ന് ആരംഭിക്കേണ്ട ഇന്ത്യ-ശ്രീലങ്ക പരമ്പരയില്‍ മാറ്റം. ആദ്യ മല്‍സരം 17നാണ് ആരംഭിക്കുക. ശ്രീലങ്കന്‍ ടീമിന്റെ സപ്പോര്‍ട്ടിങ് സ്റ്റാഫുകള്‍ക്ക് കൊവിഡ് സ്ഥിരീകരിച്ചതിനെ തുടര്‍ന്നാണ് തിയ്യതികളില്‍ മാറ്റം. ഇംഗ്ലണ്ട് പരമ്പര കഴിഞ്ഞ നാട്ടിലേക്ക് തിരിച്ചെത്തുന്ന ടീമിന് കൂടുതല്‍ സമയം ക്വാറന്റീനില്‍ കഴിയേണ്ടതുണ്ട്. ഇതേ തുടര്‍ന്നാണ് തിയ്യതികളില്‍ മാറ്റം വരുത്തിയത്. ട്വന്റി പരമ്പര 24നാണ് ആരംഭിക്കുക. ബാറ്റിങ് കോച്ച് ഗ്രാന്റ് ഫ്‌ളവറിന് കഴിഞ്ഞ ദിവസമാണ് കൊവിഡ് സ്ഥിരീകരിച്ചത്. രണ്ടാം ഏകദിനം 19നും മൂന്നാം ഏകദിനം 21നുമാണ്. ട്വന്റിയിലെ ആദ്യ മല്‍സരം 24നും രണ്ടും മൂന്നും മല്‍സരം യഥാക്രമം 25, 27 തിയ്യതികളിലുമാണ്.