വനിതാ ഏഷ്യാകപ്പ് ഏഴാം തവണയും ഇന്ത്യക്ക്

ധക്ക: വനിതാ ഏഷ്യാകപ്പ് കിരീടം ഇന്ത്യയ്ക്ക്. ശ്രീലങ്കയെ എട്ട് വിക്കറ്റിന് തകര്‍ത്താണ് ഏഴാം തവണയും ഇന്ത്യ കിരീടം നേടിയത്.ഇതുവരെ നടന്ന എട്ട് എഡിഷനുകളില്‍ ഏഴ് തവണ കിരീടം ഉയര്‍ത്തിയത് ഇന്ത്യയാണ്. 66 റണ്‍സ് ലക്ഷ്യം ഇന്ത്യ 8.3 ഓവറില്‍ രണ്ട് വിക്കറ്റ് നഷ്ടത്തില്‍ കരസ്ഥമാക്കി. 25 പന്തില്‍ 51 റണ്‍സ് നേടിയ സ്മൃതി മന്ദാനയാണ് ടോപ് സ്‌കോറര്‍.

ടോസ് നേടിയ ലങ്ക ബാറ്റിങ് തിരഞ്ഞെടുക്കുകയായിരുന്നു. 20 ഓവറില്‍ ഒമ്പത് വിക്കറ്റ് നഷ്ടത്തില്‍ ലങ്ക 65 റണ്‍സെടുക്കുകയായിരുന്നു. 18 റണ്‍സെടുത്ത രണവീരയാണ് ലങ്കയുടെ ടോപ് സ്‌കോറര്‍. ഇന്ത്യയ്ക്കായി രേണുകാ സിങ് ഠാക്കൂര്‍ മൂന്നും സ്‌നേഹ റാണാ, രാജേശ്വരി ഗെയ്ക്ക്‌വാദ് എന്നിവര്‍ രണ്ട് വീതം വിക്കറ്റും നേടി.