വനിതാ ഏഷ്യാകപ്പ്; ഇന്ത്യന്‍ കുതിപ്പിന് ബ്ലോക്കിട്ട് പാകിസ്താന്‍

ധക്ക: വനിതാ ഏഷ്യാകപ്പിലെ ഇന്ത്യയുടെ അപരാജിത കുതിപ്പിന് വിരാമമിട്ട് പാകിസ്താന്‍. ഇന്ന് നടന്ന മല്‍സരത്തില്‍ പാകിസ്താന്‍ ഇന്ത്യയെ 13 റണ്‍സിനാണ് പരാജയപ്പെടുത്തിയത്.138 റണ്‍സായിരുന്നു ഇന്ത്യയ്ക്ക് ജയിക്കാന്‍ വേണ്ടിയിരുന്നത്. രണ്ട് പന്ത് ശേഷിക്കെ ഇന്ത്യ 124 റണ്‍സിന് പുറത്തായി. നഷ്‌റാ സന്ദു പാകിസ്താന് വേണ്ടി മൂന്നും നിദാ ദര്‍, സാദിയാ ഇഖ്ബാല്‍ എന്നിവര്‍ രണ്ട് വീതം വിക്കറ്റും നേടി. റിച്ചാ ഘോഷ് ഇന്ത്യയ്ക്കായി 26ഉം ഡയലന്‍ ഹേമലതാ 20ഉം സ്മൃതി മന്ദാന 17ഉം റണ്‍സ് നേടി. കഴിഞ്ഞ ദിവസം ഇത്തിരികുഞ്ഞന്‍മാരായ തായ്‌ലന്റ് പാകിസ്താനെ പരാജയപ്പെടുത്തിയിരുന്നു.