നാഗ്പൂരില്‍ ഇന്ന് ഇന്ത്യക്ക് ജയിച്ചേ മതിയാകൂ; ബുംറ ടീമില്‍
കഴിഞ്ഞ ദിവസം മഴയെ തുടര്‍ന്ന് ഇരുടീമും പരിശീലനത്തിന് ഇറങ്ങിയിരുന്നില്ല.
നാഗ്പൂര്‍: ഓസ്‌ട്രേലിയക്കെതിരായ രണ്ടാം ട്വന്റി-20 മല്‍സരത്തിനായി ഇന്ത്യ ഇന്നിറങ്ങും.രാത്രി ഏഴിനാണ് മല്‍സരം. ആദ്യ മല്‍സരത്തില്‍ മികച്ച സ്‌കോര്‍ പടുത്തുയര്‍ത്തിയിട്ടും ബൗളര്‍മാരുടെ പരാജയം കൊണ്ട് മല്‍സരം കൈവിട്ട ഇന്ത്യക്ക് ഇന്ന് ജയിച്ചേ മതിയാകൂ. ഡെത്ത് ഓവറില്‍ ബൗളര്‍മാര്‍ കണക്കറ്റേ റണ്‍സ് വഴങ്ങുന്നതാണ് ഇന്ത്യയുടെ പ്രധാന പോരായ്മ. സ്റ്റാര്‍ പേസര്‍ ജസ്പ്രീത് ബുംറ പരിക്ക് മാറി ഇന്ന് ടീമിനൊപ്പം എത്തുന്നതാണ് ഏക ആശ്വാസം. ബൗളിങ് നിരയില്‍ ആരൊക്കെ ഇടം നേടുമെന്ന് ഇതുവരെ പ്രഖ്യാപിച്ചിട്ടില്ല.ബാറ്റിങ് നിരയില്‍ ഏവരും ഭേദപ്പെട്ട ഫോം നിലനിര്‍ത്തുന്നതും ഇന്ത്യക്ക് ആശ്വാസം നല്‍കും. മല്‍സരത്തിന് മഴ ഭീഷണിയുണ്ട്. കഴിഞ്ഞ ദിവസം മഴയെ തുടര്‍ന്ന് ഇരുടീമും പരിശീലനത്തിന് ഇറങ്ങിയിരുന്നില്ല.