ഐപിഎല്‍; കൊല്‍ക്കത്താ നൈറ്റ് റൈഡേഴ്‌സിന് ആദ്യ ജയം
ഹൈദരാബാദിനെ ഏഴ് വിക്കറ്റിന് തോല്‍പ്പിച്ചാണ് കൊല്‍ക്കത്ത ആദ്യ ജയം അക്കൗണ്ടിലാക്കിയത്.
ദുബായ്: ഇന്ത്യന്‍ പ്രീമിയര്‍ ലീഗില്‍ സണ്‍റൈസേഴ്‌സ് ഹൈദരാബാദിനെതിരേ കൊല്‍ക്കത്താ നൈറ്റ് റൈഡേഴ്‌സിന് ജയം. ഹൈദരാബാദിനെ ഏഴ് വിക്കറ്റിന് തോല്‍പ്പിച്ചാണ് കൊല്‍ക്കത്ത ആദ്യ ജയം അക്കൗണ്ടിലാക്കിയത്. സണ്‍റൈസേഴ്‌സിന്റെ 145 റണ്‍സെന്ന സ്‌കോര്‍ മൂന്ന് വിക്കറ്റ് നഷ്ടത്തില്‍ രണ്ടോവര്‍ ശേഷിക്കെ കൊല്‍ക്കത്ത പിന്‍തുടരുകയായിരുന്നു. 70 റണ്‍സെടുത്ത് പുറത്താവാതെ നിന്ന ശുഭ്മാന്‍ ഗില്‍, 42 റണ്‍സെടുത്ത ഇയോന്‍ മോര്‍ഗന്‍ എന്നിവരാണ് കൊല്‍ക്കത്തയുടെ ജയം എളുപ്പമാക്കിയത്. നിതീഷ് റാണാ 26 റണ്‍സെടുത്തു. ടോസ് നേടിയ ഹൈദരാബാദ് ബാറ്റിങ് തിരെഞ്ഞടുക്കുകയായിരുന്നു. നിശ്ചിത ഓവറില്‍ നാല് വിക്കറ്റ് നഷ്ടത്തില്‍ അവര്‍ 142 റണ്‍സെടുത്തു. മനീഷ് പാണ്ഡെ(51), വാര്‍ണര്‍(36), വൃദിമാന്‍ ഷാ (30)എന്നിവര്‍ മാത്രമാണ് ഹൈദരാബാദ് നിരയില്‍ തിളങ്ങിയത്. പാറ്റ് കമ്മിന്‍സ് ഫോമിലേക്കുയര്‍ന്ന മല്‍സരമായിരുന്നു കൊല്‍ക്കത്തയുടേത്. ഒരു വിക്കറ്റ് നേടിയ താരം ഒരു റണ്ണൗട്ടും തന്റെ പേരിലാക്കി. മികച്ച ബൗളിങാണ് കമ്മിന്‍സ് ഇന്ന് പുറത്തെടുത്തത്.