ഏകദിനത്തില്‍ 3000 റണ്‍സ്; സ്മൃതി മന്ദാനയ്ക്ക് റെക്കോഡ്
100 % സൂപ്പര്‍സ്റ്റാറുകളുടെ(വനിതാ) പട്ടികയിലും മന്ദാന അടുത്തിടെ സ്ഥാനം നേടിയിരുന്നു.
ഓവല്‍: ഏകദിനത്തില്‍ 3000 റണ്‍സ് നേടുന്ന മൂന്നാമത്തെ ഇന്ത്യന്‍ വനിതാ താരമെന്ന റെക്കോഡിനുടമയായി സ്മൃതി മന്ദാന. ഇംഗ്ലണ്ടിനെതിരായ രണ്ടാം ഏകദിനത്തില്‍ 40 റണ്‍സ് നേടിയതോടെയാണ് താരം 3000 റണ്‍സ് തികച്ചത്. മിഥാലി രാജ്, ഹര്‍മ്മന്‍പ്രീത് കൗര്‍ എന്നിവരാണ് ഈ നേട്ടം സ്വന്തമാക്കിയ മറ്റ് ഇന്ത്യന്‍ താരങ്ങള്‍. അതിവേഗത്തില്‍ 3000 റണ്‍സ് നേടുന്ന മൂന്നാമത്തെ ഇന്ത്യക്കാരന്‍ എന്ന റെക്കോഡും മന്ദാന സ്വന്തമാക്കി. ശിഖര്‍ ധവാന്‍ (72 ഇന്നിങ്‌സ്), കോഹ്‌ലി(75) എന്നിവരാണ് അതിവേഗത്തില്‍ 3000 റണ്‍സ് പിന്തുടര്‍ന്നവര്‍. മന്ദാന 76 ഇന്നിങ്‌സുകളില്‍ നിന്നായാണ് ഈ നേട്ടം കൈവരിച്ചത്. ഐസിസിയുടെ 100 % സൂപ്പര്‍സ്റ്റാറുകളുടെ(വനിതാ) പട്ടികയിലും മന്ദാന അടുത്തിടെ സ്ഥാനം നേടിയിരുന്നു.