കപിലിന്റെ റെക്കോഡ് തിരുത്തി ഋഷഭ് പന്ത്
28 പന്തിലാണ് ഋഷഭ് ഇന്ന് അര്‍ദ്ധസെഞ്ചുറി നേടിയത്.
ബെംഗളൂരു; ഒരു ഇന്ത്യന്‍ താരത്തിന്റെ ടെസ്റ്റ് ക്രിക്കറ്റിലെ അതിവേഗ അര്‍ദ്ധസെഞ്ചുറിയെന്ന റെക്കോഡ് വിക്കറ്റ് കീപ്പര്‍ ഋഷഭ് പന്തിന് സ്വന്തം. 40 വര്‍ഷം മുമ്പ് കപില്‍ ദേവിന്റെ പേരിലുണ്ടായിരുന്ന റെക്കോഡാണ് പന്ത് ലങ്കയ്‌ക്കെതിരായ രണ്ടാം ടെസ്റ്റിന്റെ രണ്ടാം ദിനം തകര്‍ത്തത്. 28 പന്തിലാണ് ഋഷഭ് ഇന്ന് അര്‍ദ്ധസെഞ്ചുറി നേടിയത്. 1982ല്‍ പാകിസ്താനെതിരേ കറാച്ചിയില്‍ 30 പന്തില്‍ അര്‍ദ്ധസെഞ്ചുറി നേടിയ കപിലിന്റെ റെക്കോഡാണ് ഇന്ന് പഴംങ്കഥ ആയത്.