ഋഷഭ് പന്ത് ശസ്ത്രക്രിയ്ക്കായി ലണ്ടനില്‍; ഒമ്പത് മാസത്തെ വിശ്രമം
ഋഷഭ് ഓടിച്ച കാര്‍ ഡിവൈഡറില്‍ ചെന്ന് ഇടിക്കുകയായിരുന്നു.
മുംബൈ: കാറപകടത്തെ തുടര്‍ന്ന് ഗുരുതര പരിക്കേറ്റ ഇന്ത്യന്‍ വിക്കറ്റ് കീപ്പര്‍ ബാറ്റ്‌സ്മാന്‍ ഋഷഭ് പന്തിനെ ശസ്ത്രക്രിയ്ക്കായി ലണ്ടനിലേക്ക് കൊണ്ടുപോയി. അപകടനില തരണം ചെയ്ത ഋഷഭ് മുംബൈയിലെ കോകിലാബെന്‍ ആശുപത്രിയിലായിരുന്നു. ഇവിടെ താരത്തെ ഒരു ശസ്ത്രക്രിയക്ക് വിധേയനാക്കിയിരുന്നു. കാല്‍മുട്ടിനും കണങ്കാലിനുമാണ് ശസ്ത്രക്രിയ.ഋഷഭിന് ഒമ്പത് മാസത്തെ വിശ്രമം ആവശ്യമാണെന്ന് ബിസിസിഐ അറിയിച്ചിട്ടുണ്ട്. ദിവസങ്ങള്‍ക്ക് മുമ്പ് ഋഷഭ് ഓടിച്ച കാര്‍ ഡിവൈഡറില്‍ ചെന്ന് ഇടിക്കുകയായിരുന്നു.