ഏഷ്യന്‍ കപ്പ് യോഗ്യത; ഛേത്രി ഡബിളില്‍ ഇന്ത്യക്ക് ജയം

കൊല്‍ക്കത്ത: ഏഷ്യന്‍ കപ്പ് യോഗ്യത റൗണ്ടില്‍ ഇന്ത്യ ജയത്തോടെ തുടങ്ങി. ഇന്ന് കംമ്പോഡിയയെ നേരിട്ട ഇന്ത്യ എതിരില്ലാത്ത രണ്ട് ഗോളിന്റെ ജയം നേടി. ക്യാപ്റ്റന്‍ സുനില്‍ ഛേത്രിയാണ് ഇന്ത്യയുടെ ഇരട്ട ഗോളുകള്‍ നേടിയത്. 13, 59 മിനിറ്റുകളിലായിരുന്നു ഛേത്രിയുടെ ഗോളുകള്‍. ഇതോടെ ഛേത്രിയുടെ അന്താരാഷ്ട്ര ഗോളുകളുടെ എണ്ണം 82ആയി. ആദ്യ ഗോള്‍ പെനാല്‍റ്റിയിലൂടെ ആയിരുന്നു. രണ്ടാം ഗോള്‍ ഹെഡറിലൂടെ ആയിരുന്നു. രണ്ടാം പകുതിയില്‍ ആശിഖിനെയും സഹലിനെയും ഇറക്കി. ആശിഖ് ചില മികച്ച അവസരങ്ങള്‍ സൃഷ്ടിച്ചിരുന്നു. ഗ്രൂപ്പിലെ മറ്റൊരു മല്‍സരത്തില്‍ ഹോങ്കോങ് അഫ്ഗാനിസ്ഥാനെ പരാജയപ്പെടുത്തി.